Katrín Kristófers

Ég hef einlægan áhuga á heilsu, vellíðan og því hvernig líkami, hugur og sál vinna saman.

Í gegnum eigin lífsreynslu hef ég öðlast djúpan skilning á því hversu krefjandi það getur verið að glíma við langvarandi vanlíðan, verki og þreytu. Sú reynsla hefur kennt mér hversu mikilvægt það er að fá að mæta skilningi, hlýju og virðingu, og að einhver gefi sér tíma til að hlusta.

Í starfi mínu legg ég áherslu á heildræna nálgun og að mæta hverri manneskju þar sem hún er stödd. Ég trúi því að við séum öll einstök og að það sem hentar einum þurfi ekki endilega að henta öðrum.

Ég býð upp á höfuðbeina- og spjaldhryggjarmeðferðir (Cranio), þar sem unnið er með mjúkri og nærgætinni snertingu til að stuðla að slökun og vellíðan.

Einnig starfa ég með tíðnimeðferðir með búnaði frá Rayonex Biomedical GmbH og hef sótt sérhæfða þjálfun hjá fyrirtækinu í Þýskalandi. Ég er jafnframt ICC-kennari hjá Rayonex og tek þátt í fræðslu og kennslu um notkun búnaðarins.

Það sem mér þykir þó allra mikilvægast er að skapa öruggt og notalegt umhverfi þar sem þú getur slakað á, fundið fyrir nærgætni og fengið þá athygli sem þú átt skilið.